هل يحق للاخ يتدخل في اخته اذا كان الاب موجود؟؟؟؟؟

[ولد البيت]

السلام عليكم ورحمة الله وبركاته


حبيت أعرض لكم هذا الموضوع .. ونقلته لكم للنقاش وكلنا من بنات وشباب نعيشه ..

(( هذا واحد من الشباب اطلعت أخته لعيد ميلاد صديقتها مع

مجموعه من صاحباتها .. عاد اشترط عليها قبل لا تطلع إنها

ترجع للبيت الساعه 9ونص .. لكن البنت عجبتها الجلسه ومع

السواليف ما ردت إلا الساعه 11 وهناك بالبيت استلمها

أخوها بالضرب والرفس المبرح .. تنومت بعدها من كثر ما ضربها

بالمستشفى ؟؟! .. ومع كذا ما ندم بالعكس قال

أحسن .. عشان تعرف إن بالبيت رجـّال لازم تخاف منه وتحترمه ..

وثاني شي أنا قاعد أحميها من نفسها .. لأن الوقت

هذا مافيه أمان والبنات فسدت أخلاقهن .. وصعب علينا نصلحهن

بدون شده وعنف ..؟!!))


هذي سالفه ثانيه

وحده من البنات تقول : أنا استأذن من أبوي أو أخوي إذا بغيت

أسوي شي وإذا رفضوا أسويه بالســر .؟! لأني ما

أبي أضيّع حياتي ومستقبلي في خرافات حطوها الرياييل

عشان يرضون غرورهم؟! .. وأنا مالي ذنب إني صرت

بنت .. وما دام إني ما أخطئ ما أبي أحد يفرض سيطرته

ويتحكم فيني ..؟؟! مع العلم إن أخوي يخطئ ويكلم بنات

بالتلفون وما أحد يعاقبه وأنا تقوم الدنيا وما تقعد لو أخطأت خطأ

بسيط تافه !!.. و أخوي يجلس على النت بالساعات

؟! وأنا ما أجلس أبداً عشان ما أخترب ولا أنحرف!! .. طيب شو

الفرق بيني وبينه ؟؟!! كلنا محاسبين أمام الله.بنفس الحساب؟!


المناقشــه :،،،،

1- شو تعليقكم على ماسبق ؟

هل صحيح قول (( اكسر للبنت ضلع يطلع لها 24 ضلع )) ؟؟

2- هل صحيح إن الولد غير البنت في الخطأ ؟؟

3- هل صحيح إن لايحق للأخ يتدخل في أخته إذا كان الأب موجود ؟؟


اتريا تجاوب من البنات والشبااااااااااااااااااب ................. مب بس الشباب او بس البناااااااااات


__________________

[جليس الشاطئ]

بصراحه اخوي
اذا الابو موجود فهو الاحق بالتربيه سواء للبنت او الولد لكن اذا الاب لم يهتم في الموضوع او ما شبابه فيجب على الاكبر من الاخوان حل الامور بالتفاهم مو بالضرب


مشكور اخوي على الموضوع

[وليد]

مدام الاب والام موجودين ما له دخل


الا اذا استدعي الامر يتدخل





خالص ودي

[قلم حبر]

كلام حلو ومنطقي


وردود احلى يسلمو على الموضوع

[دموع الحب قد جفت]

اخي وجهت النظر من ناحيتي تقول كما يلي من لها اخ اكبر منها يردها يحميهاا حتى لو القاه عليها اوامر تحمد ربها ان لها سند تستند علي يعني لو غلطت تعمل حساب ان وراها اخ يردها عن الخطا لاكن مو بالضرب لان الضرب وسيلة للحيوانات واسفا على التعبير لازم تفهمها ليش هذا غلط وهذا صح لاكن من الناحية الثانة لاتعمل الشي وتقول لا تعملي لان هذا غلط وانت بالمقابل تسوي يعني لا تقعد على النت وتقول لاختك لا تقعدي لان عيب او انحراف او تدهور بالاخلاق ليش انت تقعد رح يكون ردها لازم تقنعها بوجهة نظرك ولا زم انت تقتنع كمان اعطي اختك الحق والمشاركة بالراي من شان ما تعصيك او تعمل الغلط من وراك انا لي اخوان واذا حد نهاني عن شي لازم رد مو اخي وخايف على مصلحتي ما بظن ان في اخ يحاول يدمر اخته لو نهاها عن شي معين ولا كن كل منا له طريقة بالتعامل مع الغير واتمنى اكون قد افدتكم ووصلت لكم وجهة نظري اختكم دموعه

[شوكلاته]

السلام عليكم ورحمة الله وبركاته
بصراحه الاخ لازم ما يتعدى على سلطه الاب في التربيه واذا خاف على اخته من اي شي ممكن يكلم الاب وهو يتصرف.اما بالنسبه لموضوع الاخطاء فان الولد والبنت في القران عقابهم واحد لكن للاسف ونتيجة للجهل صار موضوع الشرف متعلق بالبنات وحدهم وانا اقول ان الخطأ من الاثنين.
ونهايه احب اقول ان كثره الضغط تؤدي الى الانفجار يعني منع البنت من كل شي والتضييق عليها يخليها تلجأ لوسائل ثانيه تنفس فيها عن نفسها وتكون في هذه الحاله بعيد عن رقابه الاهل.

[الــداجــة]

اولا مشكور على الموضوع الرائع..

ثانيا:- صراحه انا اروح لحفلات أعياد الميلاد بس - صراحه - إني ارجع بدري ارجع الساعه 9 .و و9 ونصف اكون في البيت..

صراحه البنت نفس الولد في بعض الأخطاء..

بس مثلا لما الولد يكلم بنات _ هو حرام _ بس مثل مايقولون الولد مايعيبه شيء ..

اما البنت من ناحية التكليم _ فهو حرام _ وعيب ..

ومن ناحية السلطه فأنا اقول إنه لازم الولد يكون له سطله شوي بوجود الأب ..

وبعدين من ناحية النت فيه برامج تحظر بعض المواقع..مثل الشات والماسنجر..

ولما تدخل البنت للنت يراقبونها..بعد ما تطلع منه..إذا هم شاكين..او يخافون عليها..

وبعدين المفروض من الاهل إنهم ينفهون عن بناتهم شوي..

[حلوه وحياله]

انا وجهة نظري اذا الاب عايش وموجود

الاخ ماله حق؛؛

اوكي اخوي الكبير على عيني وراسي

يكوون بيننا احترام متبادل

لكن يتحكم ويطقني طبعا لا وراس ابوي يشم الهواء؛؛

بس الا اذا الاب كبير في السن وما يعرف با الشغلات هذي

ومعطي العهده للاخ فيكون الاخ هنا بمكان الوالد؛؛

وعموما كل بنت محترمه ماشيه عدل ما راح احد يكلمها لا ابوها ولا اخوها

وسلامتكم؛؛

[الــداجــة]

والله صح وليد أن أخوي ماله دخل فيني مدام أمي وأبوي بالبيت

والك خالص حبي ولد البيت